მცირე ქალაქების ატმოსფერული ჰაერის მიკროაეროზოლებით დაბინძურების შეფასება ექსპერიმენტული გაზომვების მონაცემებით
Main Article Content
ანოტაცია
ექსპერიმენტული გაზომვების მონაცემებზე დაყრდნობით შეფასებულია ქალაქ ბათუმის ატმოსფერულ ჰაერში გაბნეული მიკრონაწილაკების PM2.5 და PM10-ის კონცენტრაციები. ეს მცირე ზომის ნაწილაკები მეტად საშიშია ადამიანთა ჯანმრთელობისათვის, რადგან ისინი ადვილად აღწევენ ადამიანთა ორგანიზმში და იწვევენ სხვადასხვა სახის დაავადებებს. ამიტომ, ურბანული არეების დაცვა მიკროაეროზოლური დაბინძურებისაგან მეტად მნიშვნელოვან ეკოლოგიურ ამოცანას წარმოადგენს. ამ მიზნით ქალაქ ბათუმსა და მის შემოგარენში მობილური აპარატით Aeroqual Series 500 ჩატარებულია ექსპერიმენტული გაზომვები და განსაზღვრულია ატმოსფერულ ჰაერში გაბნეული PM2.5 და PM10-ის კონცენტრაციები. გამოვლენილია მაქსიმალური დაბინძურების უბნები, ატმოსფეროში PM2.5 და PM10-ის კონცენტრაციათა ცვლილების დიაპაზონი. იმ დღეების მცირე რაოდენობა, როდესაც საშუალო დღიური კონცენტრაცია აღემატება ზდკ-ას, იძლევა საშუალებას დავასკვნათ, რომ ქალაქი ბათუმი ატმოსფერული ჰაერის სისუფთავის მიხედვით შეიძლება მივაკუთვნოთ სუსტად დაბინძურებულ ქალაქების კატეგორიას. ქალაქის და მიმდებარე ტერიტორიის რთული რელიეფის და ქალაქის ურბანიზაციის ხასიათიდან გამომდინარე მიზანშეწონილია გაიზარდოს ქალაქში განლაგებული სადამკვირვებლო პუნქტების რაოდენობა. ამ მიზნით შესაძლებელია გამოყენებული იქნეს, ევროპაში დანერგილი დაკვირვებათა ხშირი დაბალფასიანი სენსონური ქსელები.