საქართველოს დემოგრაფიული და ურბანული განვითარების თანამედროვე გამოწვევები
Main Article Content
ანოტაცია
ნაშრომი განიხილავს საქართველოს დემოგრაფიული და ურბანული განვითარების თანამედროვე გამოწვევებს. კვლევის მიზანია მოსახლეობის რაოდენობრივი და სტრუქტურული ცვლილებების, ურბანიზაციის პროცესების, შიდა მიგრაციისა და მოსახლეობის სივრცითი განაწილების თანამედროვე ტენდენციების ანალიზი. ნაშრომში გამოყენებულია აღწერითი და შედარებითი კვლევის მეთოდები, ხოლო ემპირიულ საფუძველს წარმოადგენს საქართველოს მოსახლეობისა და სასოფლო-სამეურნეო აღწერის 2024 წლის კვლევა აჩვენებს, რომ ქვეყანაში გრძელდება მოსახლეობის კონცენტრაცია ურბანულ დასახლებებში, განსაკუთრებით თბილისში, რაც ერთდროულად განაპირობებს ეკონომიკური აქტივობის ზრდას და რეგიონული განვითარების უთანასწორობის გაღრმავებას. დემოგრაფიული დაბერება, მიგრაციული პროცესები და სოფლის მოსახლეობის შემცირება რჩება ქვეყნის განვითარების მნიშვნელოვან გამოწვევებად. კვლევის შედეგები ხაზს უსვამს დაბალანსებული რეგიონული და ურბანული პოლიტიკის მნიშვნელობას საქართველოს მდგრადი და სულიერი განვითარებისათვის.