მსოფლიოს ბიომრავალფეროვნება და საქართველო

ანოტაცია

სამეცნიერო ლიტერატურაში „ბიოლოგიური მრავალფეროვნება" XIX საუკუნის მეორე ნახევრიდან ჩნდება. 1992 წელს რიო-დე-ჟანეიროში, გაერთიანებული ერების ორგანიზაციის გარემოს დაცვის და განვითარების კონფერენციაზე, მიღებული იქნა კონვენცია „ბიომრავალფეროვნების შესახებ". მას საქართველო შეუერთდა 1994 წელს. ამჟამად კონვენცია აერთიანებს 180 სახელმწიფოს. კონვენციის მიხედვით ყველა სახელმწიფო ვალდებულია ბიომრავალფეროვნების დაცვისთვის შეიმუშაოს ეროვნული პოლიტიკა და გაატაროს ეფექტური ღონისძიებები. ბიომრავალფეროვნება ამა თუ იმ ქვეყნის ბიოსფეროს მდგომარეობის უმნიშვნელოვანესი მაჩვენებელია.