ატმოსფერული ჰაერის დაბინძურების მთავარი ფაქტორები ბათუმისა და ქობულეთის სანაპირო ზოლში

ანოტაცია

ბუნებრივი პროცესებისა და ადამიანის ზემოქმედება სხვადასხვა ტერიტორიალურ დონეზე სხვადასხვაგვარად ვლინდება. რეგიონალური სისტემების დონეზე ბუნება შეიძლება ჩაითვალოს მდგრად კატეგორიად, რომელსაც ადამიანის ზეგავლენა პრაქტიკულად ვერ არღვევს. ლოკალურ დონეზე - ბუნებრივი გარემო განიცდის მნიშვნელოვან ცვლილებებს და მთავარ ამოცანად რჩება ლანდშაფტში წარმოქმნილი ცვლილებების „რეგულირება“. საქალაქო პირობებში, განსაკუთრებით კი, საკურორტო ზონაში როგორც წესი, ბუნებრივი ელემენტები გარდაქმნილი და სახეშეცვლილია, ამიტომ უმთავრესი მნიშვნელობა ენიჭება ანთროპოგენული დაბინძურების შედეგად ხელოვნური გარემოს მართვას.