სხვადასხვა ეკოლოგიურ პირობებში მოყვანილ სუბტროპიკულ ხეხილოვნებში მძიმე ლითონების შემცველობა

ანოტაცია

ნაშრომში „სხვადასხვა ეკოლოგიური პირობებში მოყვანილ სუბტროპიკულ ხეხილოვნებში მძიმე ლითონების შემცველობა“ განხილულია აჭარის სუბტროპიკული ზონის სხვადასხვა ოროგრაფიულ პირობებში მოყვანილ  ფეიჰოას და აქტინიდიის(კივის) ნაყოფებში მძიმე ლითონების - კადმიუმის, დარიშხანის, ტყვიის, ვერცხლისწყლის, სპილენძისა და თუთიის შემცველობა. კვლევა ტარდებოდა პლაზმურ ატომურ ემისიურ სპექტრომეტრზე. დადგენილ იქნა, რომ  საკვლევი ნაყოფები არ შეიცავენ ისეთ ტოქსიკურ მძიმე ლითონებს, როგორიცაა დარიშხანი, ტყვია და ვერცხლისწყალი. კადმიუმის შემცველობა ზ. დ. კონცენტრაციაზე მაღალია ფეიჰოას ნაყოფებში. სპილენძისა და თუთიის შემცველობა ზ.დ.კ.-იის ფარგლებშია.